28
сәуір
2026
🔬 Органикалық қосылыстардың изомериясы: Пентан изомерлерінің моделдері 🔬
Органикалық қосылыстардың изомериясы: Пентан изомерлерінің моделдері №67 орта мектебінің 9-сынып оқушылары химия пәнінен өткен ашық сабақта молекулалардың «құпия әлеміне» саяхат жасады! Сабақты химия пәнінің мұғалімі М.С. Шалов жүргізді.
Сабақтың мақсаты: Оқушыларға изомерия құбылысын түсіндіру және пентанның құрылымдық изомерлерін өз бетінше құрастыру дағдысын қалыптастыру (9.4.3.6 ОБ).
Сабақ барысындағы ерекше сәттер:
Genially платформасындағы AQYL QUIZ тесті арқылы үй тапсырмасын цифрлық форматта тексеру; «Пазл» әдісі мен жетелеуші сұрақтар арқылы оқушылардың жаңа тақырыпты өздері ашуы; Шар-стержень модельдері мен конструкторлар арқылы пентанның 3 изомерін (н-пентан, изопентан, неопентан) құрастыру; Жұптық жұмыс: Тармақталған алкандардың автокөлік жанармайындағы рөлі, детонацияға төзімділігі және экологиялық мәдениетті қалыптастыру; Бейнематериалдар мен Veo3 платформасы арқылы визуалды түсіндіру.
Өмірмен байланысы:Оқушылар изомерияның тек теория емес, бензин сапасын арттыру, мұнай өңдеу және жоғары октанды отын өндірісіндегі тікелей маңызын талдады. Неге тармақталған изомерлер қозғалтқышта тиімдірек жанатынын практикалық мысалдармен дәлелдеп, пәндік сауаттылықтарын шыңдады.
Рефлексия:Сабақ соңында «Интерактивті колба» әдісі арқылы оқушылар жинаған баллдарына қарай өз нәтижелерін бағалап, кері байланыс берді. Үй тапсырмасы ретінде «Изомерлер» тақырыбында эссе жазу тапсырылды.
«Болашағы зор мамандықтар жоқ, тек болашағы зор мамандар бар» – апта дәйексөзі оқушыларды инновациялық ойлауға, еңбекқорлыққа және кәсіби бағдарға баулыды.
Сабақ сәттері мен оқушылардың жасаған молекулалық модельдері төмендегі галереяда! 
