ОЙЛАНДЫРҒАН КИНОТАЛДАУ Мектебімізде 9–11 сынып оқушыларына арналған «Кітап бетбелгілері емес» («Не книжные закладки»), “Хулиганка” қысқаметражды фильмдері бойынша мазмұнды киноталдау сабағы өтті.

ОЙЛАНДЫРҒАН КИНОТАЛДАУ  Мектебімізде 9–11 сынып оқушыларына арналған

«Кітап бетбелгілері емес» («Не книжные закладки»), “Хулиганка” қысқаметражды фильмдері бойынша мазмұнды киноталдау сабағы өтті. 67 мектеп оқушыларымен бірге Шайқорық орта мектебінің оқушылары да ұстаздарымен келіп  фильмді көріп, өз ойларымен бөлісті.

 Іс-шараның басты мақсаты – жасөспірімдердің құқықтық санасын қалыптастыру, қауіпті ұсыныстарды дер кезінде тани білуге және саналы таңдау жасауға үйрету.

 Талқылау барысында оқушылар:

– манипуляциялау тәсілдерін талдады;

– есірткі бизнесіне тартылудың шынайы салдарын түсінді;

– «Көремін – Ойлаймын – Қорытынды жасаймын» техникасы арқылы өз ойларын дәлелдеуге үйренді.

 Киноталдауға:

– Полиция лейтенанты  Д. Рашидов  мектеп инспекторы

– Педагог-психолог Б.Муханова - Құқықтық тәрбие ісі жөніндегі орынбасары  Е.Досалиев  қатысты.

 Ашық пікірталас, топтық жұмыс, рефлексия арқылы оқушылар бір маңызды тұжырымға келді:

әр таңдау – жауапкершілік, ал ойланбай жасалған қадам – орны толмас салдарға әкелуі мүмкін.

 Бұл кездесу – фильм талдауы ғана емес,

 қауіпсіз болашаққа жасалған маңызды қадам болды.