21
қараша
2025
🎉 Мектептің 1 жылдығына арналған өнерпаздарымыздың арнауы!🎉
Мектептің 1 жылдығына арналған өнерпаздарымыздың арнауы! Бір жыл бұрын ашылған алтын ұямыз – №67 орта мектебі бүгінде бір үйдің баласындай ұйымшыл ұжымға, өнерлі, білімді шәкірттерге толы ордалы білім мекемесіне айналды. Бұл – ұжымның бірлігінің, оқушылардың талпынысының, ата-аналардың қолдауының жемісі.
Осы мерекелік сәтте мектебіміздің талантты оқушылары өз өнерлерін тарту етті:
Осы мерекелік сәтте мектебіміздің талантты оқушылары өз өнерлерін тарту етті:
«Елігай» би тобының кіші тобынан құралған бишілеріміз – “Қазақ” биін биледі. Бұл би арқылы бишілеріміз қазақтың ұлттық болмысын, би өнерінің нәзік иірімдерін арқау етті.
4 сыныптардан құралған «Әдемі» тобы – “Бақытты бала” әнін шырқады. Бұл ән – мектеп қабырғасындағы әр оқушының шаттыққа толы күндері мен бақытты балалық шағына арналған арнау. Әнмен өрілген әр шумақ – үміт пен қуаныштың үні.
«Елігай» би тобының ортаңғы тобынан құралған бишілеріміз – “Поппури” биін биледі. Әр қимыл, әр ырғақ – жас ұрпақтың жарқын болашағына деген сенім. Бұл би шексіз шабыт пен жігердің көрінісі. 
«Мерей» тобы “Қазақстаным – Отаным” атты әнін тарту етті. Отанға деген махаббатты, елге деген адалдықты ән арқылы жеткізген бұл туынды – жүректен шыққан, жүрекке жеткен әсем үн болды.
«Елігай» би тобының үлкен тобынан құралған бишілеріміз – “Аққу” биін биледі. Аққудың әсем қимылын бейнелеген бұл би - сұлулық пен тазалықтың, нәзіктік пен тектіліктің символын көрсетті.
«Арлан» квартеті - “Өз елім” әнін орындады. Бұл ән - туған жерге деген перзенттік махаббаттың шынайы көрінісі. Бүгінгі сахнада жарқыраған әр бала – ертеңгі ел тірегі.
Мектебіміздің әр мерекесі осындай сән-салтанатқа, өнер мен тәрбиенің тоғысына толы болғай!
Мектебіміздің 1 жылдығына арналған өнерпаздарымыздың арнауы – білім ұясының бір жылда жеткен жетістігінің жарқын көрінісі. Өнерлерің өрге жүзсін, жас таланттар! 