«Ағалар даналығы, ағаны көріп іні өсер»

«Ағалар даналығы, ағаны көріп іні өсер» нақыл сөзіне негізделген біздің мақсатымыз – үлкендердің өнегесін үлгі етіп, жастарға білім, тәжірибе мен даналықтың нұрын тарату.

Біз ұрпақты жауапкершілікті, еңбекқорлық пен адалдыққа баулып, әрқайсымыз өз әлеуетімізді толық жүзеге асыруға ынталандыру арқылы қоғамымыздың жарқын болашағын қалыптастыруға ұмтыламыз.

Бұл миссия арқылы әрбір адам өз ішкі дүниесінде өсіп, өзгелерге үлгі болу арқылы ұрпақтан-ұрпаққа берік және әділетті қоғам құруға атсалысады.

Бүгінгі дөңгелек үстелде біз екі үлгілі ұстазымызбен №3 мектеп-лицейінің тарих пәнінің мұғалімі, педагог-шебер, өмірлік тәжірибесі бар, үлгіге лайық тұлға Алиев Серікбай Көбенұлы және М.Х.Дулати атындағы Тараз университетінің аға оқытушысы, «TALDAU» социологиялық және маркетингтік зерттеулер орталығының жетекшісі, ұстаз, даналықпен бөлісетін тұлға Әлмұратов Бақыт Темірханұлы – танысамыз.

Олардың көзқарастары мен өмірлік тәжірибелері жастарға ұрпақтан-ұрпаққа үлгі болудың нағыз үлгісі болып табылады.