☀️🏃‍♂️ «Көңілді эстафета» – көтеріңкі көңіл-күй мен жарқын эмоциялар сыйлады! 🏃‍♀️☀️

 «Көңілді эстафета» – көтеріңкі көңіл-күй мен жарқын эмоциялар сыйлады!

Мектеп жанындағы «Келешек» жазғы демалыс лагерінде балалардың бос уақытын тиімді ұйымдастыру және салауатты өмір салтын насихаттау мақсатында «Көңілді эстафета» спорттық сайысы өткізілді.

Шара барысында лагерь тәрбиеленушілері түрлі қызықты эстафеталық ойындарға қатысып, өздерінің жылдамдықтарын, ептіліктерін және ұйымшылдықтарын көрсетті. Балалар командалық рух танытып, белсенділікпен қатысып, көтеріңкі көңіл-күй сыйлады.

Көңілді жарыс балалардың денсаулығын нығайтып қана қоймай, достық қарым-қатынасты арттыруға, бір-біріне қолдау көрсетуге және ұжымда жұмыс істеу дағдыларын дамытуға ықпал етті.

 Балалардың шат күлкісі мен жарқын жүздері мерекелік шараның жоғары деңгейде өткенінің айқын дәлелі болды.

«Келешек» лагері тәрбиеленушілеріне жарқын жазғы демалыс пен жаңа жетістіктер тілейміз!