🌿 Жаратылыстану айлығы: Білім мен тәжірибе тоғысы!

 Жаратылыстану айлығы: Білім мен тәжірибе тоғысы!

Сәуір айы мектебімізде ерекше қарқынмен өтті! 1-30 сәуір аралығында жаратылыстану бірлестігінің ұйымдастыруымен өткен «Табиғат — тылсым дүние» атты жаратылыстану айлығы өз мәресіне жетті.

Бір ай бойы оқушыларымыз бен мұғалімдеріміз ғылымның тереңіне бойлап, келесідей ауқымды іс-шараларды жүзеге асырды:

 Ашық сабақтар: Химия, биология және география ,физика,математика, информатика пәндерінен заманауи технологияларды қолдана отырып, қызықты тәжірибелер жасалды.

 Сыныптан тыс шаралар: Танымдық ойындар, викториналар мен «Жас зерттеуші» интеллектуалды сайыстары ұйымдастырылды.

 Жобалық жұмыстар: Оқушылар қоршаған ортаны қорғау мен экология мәселелеріне арналған өздерінің алғашқы ғылыми жобаларын қорғап шықты.

 Қоғамдық іс-шаралар: «Таза Қазақстан» акциясы аясында мектеп ауласын көгалдандыру және қалдықтарға екінші өмір сыйлау жұмыстары жүргізілді.

 Марапаттау сәті

Ғылымға деген қызығушылығын танытып, барлық іс-шараларға белсене атсалысқан оқушыларымыз тиісті марапаттарын иеленді.

«Ғылым таппай мақтанба...» — дейді дана Абай. Бүгінгі кішкентай зерттеушілер — ертеңгі еліміздің мақтанышы болар үлкен ғалымдар!

Барша қатысушыларға, ұйымдастырушы ұстаздарға және қолдау көрсеткен ата-аналарға алғыс айтамыз! Жаратылыстану әлеміндегі ізденістеріміз толастамасын!