2026 жылдың 26–28 наурыз күндері Астана қаласында «Келешек мектептері» жобасы аясында республикалық семинар өтуде.

2026 жылдың 26–28 наурыз күндері Астана қаласында «Келешек мектептері» жобасы аясында республикалық семинар өтуде.

Аталған іс-шара Қазақстан Республикасы Оқу-ағарту министрлігінің қолдауымен ұйымдастырылып, білім беру саласындағы өзекті бағыттарды талқылауға мүмкіндік беріп отыр.

Семинар барысында «Келешек мектептерінің тұжырымдамасы: ортақ мақсат, ұжымдық даму» тақырыбы аясында маңызды мәселелер қарастырылуда. Қатысушылар заманауи білім беру үрдістері, стратегиялық даму, басқарудың тиімді тәсілдері, сондай-ақ STEM бағыты мен жасанды интеллектті білім беру жүйесіне енгізу жолдары бойынша өзара пікір алмасуда.

Топтық жұмыстар арқылы тәжірибе бөлісу, нақты ұсыныстар әзірлеу және бірлескен шешімдер қабылдау үдерісі белсенді жүргізілуде.

Біздің мектеп үшін бұл — кәсіби дамуға, жаңа идеялармен толықсуға және алдағы жұмысымызға тың серпін беретін маңызды тәжірибе.

 Келешек мектебі – сапалы білім мен үздіксіз дамудың кеңістігі.