Жақсылық - жан азығы «Жақсылық жасап жарысайық!»

Жақсылық - жан азығы «Жақсылық жасап жарысайық!»

Қасиетті Рамазан айы - мейірімділік пен ізгіліктің, өзара көмек пен қамқорлықтың айы. Осы орайда, №67 орта мектептің 7 «Б» сынып оқушылары игі істің басынан табылып, қайырымдылық акциясына белсене қатысты.

Сынып оқушылары Рамазан айының құрметіне мұқтаж жандарға,қарияларға қол ұшын созып, өздерінің қамқорлығын көрсетті. Бұл - жай ғана көмек емес, өскелең ұрпақтың жүрегіндегі жанашырлық пен үлкенге деген құрметтің көрінісі.

Акцияның мақсаты:

Мейірімділікке баулу: Оқушылардың бойында жанашырлық, қамқорлық және адамгершілік құндылықтарды қалыптастыру.

Әлеуметтік жауапкершілік: Қоғамдағы мұқтаж жандарға назар аударып, жақсылық жасау арқылы айналаға қуаныш сыйлау.

Бірлік пен ынтымақ: Сынып ұжымының ауызбіршілігін арттырып, ортақ игі іске жұмылдыру.

«Жақсылық жасау қолдан келсе, қуаныш сыйлау борышың». Кішкентай жүректерден шыққан үлкен көмек берекелі болсын!

Біздің мектептің белсенді де мейірімді оқушыларымен мақтанамыз! Сынып жетекшісі: Нұрышова Балжан Берекеқызы