Қайырымдылық акциясы аясында

Қайырымдылық акциясы аясында

6 а, 6 ә, 6 б, және 7 в сыныптарының оқушылары жәрменке өткізіп, жиналған қаражатты балалар үйіне қайырымдылық жасауға жұмсады. Бұл іс-шараның мақсаты – әлеуметтік жауапкершілікті арттыру және балаларға қолдау көрсету.

Жәрменке барысында оқушылар түрлі тәттілерді сату арқылы ақша жинады. Олардың ынтымақтастығы мен шығармашылық қабілеттері жәрменкенің сәтті өтуіне үлкен үлес қосты.

Жиналған қаражат Мамандандырылған бөбектер үйіне жеткізіліп, балалардың қуанышына айналды. Оқушыларымыздың бұл іс-әрекеті – мейірімділік пен қамқорлықтың жарқын үлгісі.

Осылайша, жас достарымыз өздерінің кішкентай көмегімен үлкен жүрекпен қайырымдылық жасай алды. Біз балалар үйінің тәрбиеленушілеріне қуаныш сыйлауға тырыстық, ал олардың күлкісі біз үшін ең үлкен сыйлық болды!