“Шын жүректен – кітап сыйла!” челленджі

 “Шын жүректен – кітап сыйла!” челленджі

 14 ақпан – Халықаралық кітап күні аясында “Оқуға құштар мектеп” жобасы мен “Балалар кітапханасы” бағдарламасын іске асыру мақсатында мектебімізде “Шын жүректен – кітап сыйла!” атты челлендж бастау алды!

 Челлендж мақсаты:

 Оқушылардың кітапқа деген қызығушылығын арттыру;

 Кітап оқуды насихаттау;

 Кітапхана қорын жаңа және қызықты шығармалармен толықтыру.

 Барлық оқушылар, ата-аналар мен ұстаздарды челленджге қатысып, балаларға кітап сыйлауға шақырамыз! Кітап – білімнің қазынасы, ал сыйға тартылған кітап – шынайы жанашырлық пен қамқорлықтың белгісі.

 “Жусан иісі”, “Readingtime” жобасы аясында

 14.02.2025 ж. №67жалпы орта білім беретін мектебінде “Оқуға  құштар мектеп” жоба аясында сынып жетекші: Базылбекова Балжан мен мектеп кітапхана меңгерушісі Егембердиева Майра Расилбековна 6 “А” сынып оқушыларымен “Жусан иісі” атты библио-кафеде дөңгелек үстел өткізді.

 Мақсаты:

 Қазақ әдебиетінің көрнекті өкілі, жазушы Сайын Мұратбековтың өмірі мен шығармашылығын таныстыру;

 Оқушылардың ізденімпаздық қабілеттерін дамыту, өз ойларын нақты әрі мәнерлі жеткізуге үйрету;

 Ұлттық сана мен патриотизмді нығайту, рухани білім мен мәдениетті дәріптеу.

 Библио-кафе мәзірі:

 “Салат” – Жазушының өмірі мен шығармашылығына шолу;

 “Бешбармақ” – “Жусан иісі” повестінің терең талдауы;

 “Коктейль” – Сайын Мұратбековтің нақыл сөздерін талдау.

 Оқушылар жазушының шығармаларын талдап, өз ой-пікірлерін әсерлі жеткізді. Оқуға деген қызығушылықтарын арттырған бұл ерекше дөңгелек үстел жоғары деңгейде өтті!

 Баршаңызды көркем әдебиет оқып, рухани бай болуға шақырамыз!