Бүгін Қазақстан Республикасының Оқу-ағарту министрі Ғани Бектайұлы жайлы мектеп ұстаздарымен кездесті.

Бүгін Қазақстан Республикасының Оқу-ағарту министрі Ғани Бектайұлы жайлы мектеп ұстаздарымен кездесті. Кездесуде білім сапасын арттыру жолында  жаңа мақсаттар мен міндеттер  нақты айқындалды. 

Кездесуден соң біздің ұжымда төмендегідей оң пікірлер қалыптасты:

 Инфрақұрылымды жақсарту – жаңа мектептер салу, заманауи жабдықтармен қамтамасыз ету оқушылар үшін сапалы білім алуға мүмкіндік береді.

 Оқушының психологиялық жайлылығы – мектеп тек білім беретін орын емес, сонымен қатар баланың өзін қауіпсіз, еркін сезінетін кеңістігі болуы тиіс.

 Мұғалімдердің жағдайын жақсарту – жайлы мектеп мұғалім үшін де маңызды. Олардың еңбек жағдайын жақсарту білім беру сапасына оң әсер етеді.

Мектеп мәдениетін қалыптастыру – тек ғимарат салу жеткіліксіз, оқушы мен мұғалім арасындағы қарым-қатынас, мектептегі психологиялық ахуалға да ерекше көңіл бөлу қажет.

Цифрлық сауаттылықты арттыру – мектептерде заманауи технологиялар енгізілгенімен, оларды тиімді пайдалану үшін мұғалімдер мен оқушылардың цифрлық сауаттылығын дамыту маңызды.

Ата-аналарды белсенді тарту – ата-аналар мектеп өміріне араласқанда, оқушылардың үлгерімі мен тәртібі жақсарады. Сондықтан мектеп пен ата-аналар арасындағы ынтымақтастықты нығайту керек.

Тәжірибелі мамандарды тарту – жаңа мектептерге сапалы білім беретін жоғары білікті мұғалімдер қажет. Сол үшін мұғалімдердің кәсіби дамуына жағдай жасау маңызды.

Әрбір ұстаз сапалы білім мен саналы тәрбие беру жолында жаңашылдыққа ұмтылып еңбек етуге дайын. Еңбегіміз нәтижелі болсын!