11 «А» сыныптың 14 білім алушылары, сынып жетекшісі Бахтияр Дәулетұлы және 2 ата-анасымен бірге Шахристан этно-мәдени орталығының Көрме павильонында шетелдік жоғары оқу орындарының филиалдары өкілдерімен ақпараттық кездесуге барып қатысты.

15.04.2026 ж. күні №67 орта мектебінің 11 «А» сыныптың 14 білім алушылары, сынып жетекшісі Бахтияр Дәулетұлы және 2 ата-анасымен бірге Шахристан этно-мәдени орталығының Көрме павильонында шетелдік жоғары оқу орындарының филиалдары өкілдерімен ақпараттық кездесуге барып қатысты.

Кездесу барысында қатысушылар халықаралық білім беру бағдарламалары, шетелдік университеттердің еліміздегі филиалдарына түсу талаптары, оқу процесінің ерекшеліктері мен студенттерге ұсынылатын мүмкіндіктер туралы толық мәлімет алды.

Шараға келген жастар өздерін қызықтырған сұрақтарын қойып, шетелдік білім беру ұйымдарының өкілдерімен тікелей пікір алмасты. Мұндай кездесулер талапкерлерге дұрыс таңдау жасауға және болашақ мамандығын айқындауға үлкен септігін тигізеді.