«Жаңа Конституция: сенім мен дамудың жаңа архитектурасы» атты сараптамалық платформаның бірінші панельдік сессиясы өз жұмысын аяқтады.

«Жаңа Конституция: сенім мен дамудың жаңа архитектурасы» атты сараптамалық платформаның бірінші панельдік сессиясы өз жұмысын аяқтады. Сессия саяси трансформация, билік тармақтары арасындағы өкілеттіктерді қайта бөлу, сондай-ақ мемлекеттік институттардың үйлесімділігі мен басқарылуын күшейту мәселелеріне арналды.

Алғысөзді Қазақстан Республикасының Мемлекеттік кеңесшісі Ерлан Қарин сөйледі.

Сессия спикерлері ретінде Қазақстан Республикасының Әділет министрі Ерлан Сәрсембаев, саясаттанушы, қоғам қайраткері Марат Шибутов, Қазақстан Республикасы Парламенті Мәжілісінің депутаттары Айдос Сарым мен Никита Шаталов, Л.Н. Гумилев атындағы ЕҰУ-нің сапаны қамтамасыз ету және ішкі бақылау жөніндегі проректор- Басқарма мүшесі Индира Рыстина сөз сөйледі. 

Пікірталасты Қазақстан Республикасы Президентінің жанындағы Қазақстанның стратегиялық зерттеулер институтының директоры Жандос Шаймарданов жүргізді.